فكرة الحوار عندنا غريبة شوية
مش عارف جبنا منين ان الحوار اللى له طائل ينتهى بان يقتنع احد الاطراف بكلام الاخر او ان يتنيل على عينه ويسكت والا اصبح الحوار بلا طائل
الحوار معناه استعراض الموضوع وحل عقده والغازه وتحليل المركبات اللى فيه بغرض فهم متبادل اعمق وربما مصلحة مشتركة
يعنى مثلا حوار بين السنة والشيعة ينتهى باتفاق ان حملات الشتائم المتبادلة عيب وميصحش وضد مصالح الطرفين- هل ده مش انجاز ام هل يجب ان يتنازل احد الطرفين عن مذهبه
والفهم المتبادل اهم بكثير لان كافه المصالح تنببع منه
يعنى مثلا لو حسن مدنى وانا بتلف حول الموضوع من وجاء طرف جديد ودخل الحوار وكان عنده من الصراحة-البجاحة- ان يلقى المشكلة فى وجهنا كده كما فعل عادل سعيد حينما قال
—————
أننا هاهنا نتحدث عن عامة
عن شعب فيهم نسبة تطبق عليهم المثلث الرهيب
فقر
جهل
مرض
أى أصلا ذوى كيان مهزوز … و شخصية غير ثابتة …
أن أضفت اليهم العامل الثانى
و هو التأثير بقوة المال .. و الوتر الحساس لآل البيت لكانت النتيجة …
رهيبة .
———————————
الكلام هنا مخيف لانه صريح وخلينا نستعرض وجوهه ونحلله واللى عنده تحليل اضافى يقول
1- يمكن حقيقى
2- بس احنا كده بنتكلم بصيغة امنية واستعلائية ووصائية وقمعية
3- يعنى كانهم دول عملاء وجواسيس محتملين وبلوة واتحدفت علينا بكيانهم المهزوز دى مصيبة ان شعبنا 70 فى المائة منه فقراء ومهزوزين مستعدين يروحوا للى يدفع
4- وما ينطبق على التشيع ينطبق على اسرائيل ومن يدفع
5-طيب مادام حالهم كده ما نسيبهم يتشيعوا ويقبضوا يااخى احسن من اسرائيل
دخلت امراء النار فى هرة حبستها لاهى اطعمتها ولا هى تركتها تاكل من خشاش لارض
6- طيب ماندفع لهم احنا مرتبات عادلة ويبقى ده دعاية لمذهبنا السنى
7- من عقود طويلة لم يسمع المصريون عن ناس اسمهم الشيعة فهل كان هذا مقصودا للاسباب اللى ذكرها عادل سعيد
8- هل لدينا اعتقاد لانقاش فيه ان الناس تتحول من مذهب لمذهب ودين لدين من اجل المال- هل ده العنصر الحاسم وهل الوهابيين يدفعون اكثر ام الايرانييون
9- طيب الناس الجهلة دول احنا مسلطين عليهم الراديو والتليفزيون وملايين من مساجد الاوقاف لمدة عقود ومفيش فايدة هنعمل ايه
اى حد يقول له تعالى اجيب لك شيكولاته يروح معاه
10- يعنى لو احنا شعبنا محصن باقتناع واختيار وتعليم محترم وحياة كريمة لما اصبح التبشير والتنصير لهم اى قيمة
11-المصريون مغرمون باهل البيت ودى الثغرة اللى بينفذ منها دعاة التشيع- وخلف تلك الثغرة ان المصريون كانوا شيعةفى اغلبهم حتى عصر صلاح الدين
12- اصبح الصراع الفكرى وتناطح المذاهب امر لا مهرب منه فماذا سنفعل الشيعة عندهم عديد من القنوات التلييفزيونيةواحنا عندنا العشرات لكننا خايفين ومش واثقين من قدرتنا على المنافسة
13- نحن خائفون من المنافسة داخل مصر ونطلب منهم التوقف-القرضاوى-فكيف بنا فى المنافسة فى افريقيا والهند وامريكا واستراليا
15- يقتضى موقفنا اليائس من المنافسة ان نغلق كل القنوات الاعلامية المنافسة كى نمنع مانسمية الغزو الثقافى والا يسمح لاى مخالف لنا ان يتكلم عن مذهبه او دينه او ان يمارس شعائره علنا فلايكون للشيعة مسجدا فى مدينة سته اكتوبر لان القنوات والدعاية دى هى اساس التبشير وقد كان معظم من تبنوا المذهب الشيعى ابان حرب لبنان – كان ذلك بتاثير الحرب وبتاثير قناة المنار- مما دعا بعض السلفيين-سمعتهم بنفسى وتحاورت معهم-مما دعا بعض السلفيين للدعاء بنصرة اسرائيل حتى لاتكون فتنة ولان الشيعة هم اشد ضلال من اليهود
16- كلام عادل سعيد خطير-من حيث انه يكشف اننا كبدو نطلب
ان نفصل الكون على مزاجنا
ان ماحدش يتكلم مع اى فرد من قبيلتنا واذا غير واحد من قبيلتنا مذهبة فعليهم ان يسلموه الينا-قريش يعنى
ان نضرب ستارا حديديا حول عورتنا -شعبنا الجائع المهزوز
اذا تشيع خمسين نفر هنغمل حرب شتائم شعواء- من الطرفين لاتبقى ولاتذر وربنا سيكفينا خطر المد الشيعى بان يسلط ابدان على ابدان واسرائيلواهم يضربوا بعض واحنا قاعدين احنا بتوع شتائم بس
————–
انا اسف للنبرة الساخرة البايخة-بجد مش مقصوده ولاول مرة اقعد احذف جمل من كلامى لتخفيفها
والله الموضوع بايخ جدا
انا مش عارف احنا مستخبيين ليه
بذمتك الا ترى من التاريخ اننا بالتفكير ده والخطة دى والموقف الدفاعى ده والشعب العورة ده الاترى اننا- فى طريقنا للهزيمة الحتمية فى هذة المنافسة مالم تنصفنا امريكا واسرائيل
تاريخيا مصر كان عندها المؤهلات لحسم اى منافسة فكرية وحضارية فى المنطقة
مش عرف ليه المرة دى بيقولوا خلاص سيب الوهابيين دول احسن م الشيعة
