د.محمد الشرقاوى
بتحط كلمتين جنب بعض-ممكن يطلع منهما معا جمال الانسجام والولافة او فوران التناقض
قوه هايلة مش معقولة ومفيش حدود لقدراتها
بتحط علامتين على موقعين فى السلم الموسيقى- جنب بعض- بتجرب- ممكن يحصل نفس الشئ
انسجام يخلى الواحد يقول الله
او تناقض وثوران يحرك العقل والنفس
واللى بيحط لونين وخطين وظلين جنب بعض فى لوحة- بيعمل نفس الشئ
قبل الكلمتين واالنغمتين واللونين كان فيه فراغ وعدم وموت انت بتتحداه
genuin
ومنسجم او فائر فيما تبدع-انت بتحاول ان فكرتك او فنك بيروح لبعيد اكتر مما كنت تقصد وينتصر على الفناء والقبح والعدم والخيبة والفشل والالم والموت كلما اعيد طرحة من جديد على ناس تانيين
والفكرة الحقانية واللحن المستبطن واللوحة المتخطية–بيعيشوا فى الضمير وبيصبحوا اقوى من الزمن
مش بس الفنون
الفكر ابداع والارادة ابداع
والفعل ابداع
والنظام ابداع
الفهم ابداع
الاقتناع ابداع
الحرية ابداع
عشان كده انت لما بتصادفهم بتقول الله
لان النور-نور الاستبصار- من الله
